Боловсролын үнэлгээний төвөөс 2025 оны ЭЕШ-ын хуваарийг танилцууллаа. Элсэлтийн шалгалт 06 дугаар сарын 18-наас 06 дугаар сарын 21-ний хооронд улс орон даяар зохион байгуулагдана. Улсын хэмжээнд шалгалтыг 50 байранд зохион байгуулах бөгөөд үүнээс 23 нь хөдөө орон нутагт, 27 нь Улаанбаатар хотод байршина. 

Шалгалт үргэлжлэх хугацаа:  Математик, физик, химийн шалгалт 100 минут, монгол хэл, англи хэл, орос хэл, биологи, газарзүй, түүх, нийгэм судлалын шалгалт 80 минут байна.

Шалгуулагчид шалгалт өгөхдөө дараах материалуудыг бүрдүүлэн авчирна:

• Бүртгэлийн хуудас,
• Суудлын хуваарь,
• Иргэний үнэмлэх болон түүнтэй адилтгах баримт бичиг,
• Бүрэн дунд боловсролын үнэмлэх.